أشهر جمل بيقولوها الأب و الأم في مصر ............جااااااامده موووووووووووت

* ربنا يرزقك بعيل يوريك اللي ورتهوني .
أشهر جمل بيقولوها الأب و الأم في مصر ............جااااااامده موووووووووووت Icon_lol

* انته مبتكلش جزر ليه .. اجيبلك برتقانه. طب كل سلطه .

* جتها نيلة الى عايزة خلف تيجى تتفرج .

* امشى جاتك مشش فى ركبك.

* رحلة ايه ان شاء الله, على أيامنا ماكوناش بنتطلع زفت رحلات .

*أوعا حد يضحك عليك ويقولك جرب السيجارة دي.

* وطي المدعوق ده شويه .

* انت فاكرنا نايمين على ودانا ؟

*ياريتك تحفظ دروسك زى مانت حافظ الاغانى.

* لو شفت خناقه ما لكش دعوة بيها .

* كريم دا عيل بايظ وماتمشيش معاه تاني .

* مين منى دي انت كل يوم تصاحبي واحدة جديدة ؟.

* قومي ساعدي امك ده اللي هيتجوزك أمه داعية عليه.

* المسلسل مش هينفعك ...قوم .

* كل على مهلك .. وامضغ كويس ... وما تكلش وانت واقف .. وكل من قدامك ما تحفش .

* بلاش تمشى حافى البس شبشب وانته داخل الحمام .

* ما فيش مذاكرة على المزيكا .. وازاى بتذاكر و البتاع ده شغال جنبك .

* لم شراباتك.

* ماتكلش فى ضوفرك.

* كنت فين لحد دلوقتى يا صايع.

* ماتتأخرش علشان عندك كلية بكرة بدرى.

* انا مش عارف انته طالع لمين. قولى بقا خلتى كانت سمينة شوية يابن الظريفة

* انا : ياماما بقه ايه ده ؟؟؟
ماما:مووو لمـا يــــــخدك .

* ده منظر اودة بني آدم ، انت عايش فيها ازاي؟.

* هو انا الخدامه الى ابوكم جبهلكم .

* الى يطلع من الاوضه يطفى النور وراه .

*أبوك عندك أهو اتصرف معاه .

* اللي بيشيل قربه مخرومة بتخر عليه لوحده ..

* لو مش فاهم حاجه ارفع ايدك و قول للأستاذ مش فاهم .. متتكسفش .

* البس فنله قطن تحت ودفي سدرك ودخل التيشرت في بنطلون البيجامه وانته نايم .

* يأبنى المذاكره مابتخلص .... نفسى اشوفك مره ماسك كتاب.

* اعمل حسابك مش حندخلك جامعه خاصه.

* قالب ليلك نهارك طول الليل صاحى وطول النهار نايم
طبعاً ما حضرتش ولا محاضرة ولا سكشن , وطول اليوم صايع بره البيت .

* مالكش دعوة بالسياسة .. وماتمشيش في مظاهرات .

* احمد ربنا الاكل الى مش عجبك ده فى ناس مش لقينه .

* التهديدات المخيفة شكلا و الكارتونية مضمونا : مثل: هأقطم رقبتك أو هأقطع ايدك أو هأقطع لك لسانك أو هأدبحك دبح .

* قومي سخني الأكل لأخوكي.

* ومن اشهر الجمل الى بتتقال كل يوم بعد الاكل :
انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض.

* و أخيرا ::

ضرب امثلة تشجع
على الكفاح و أشهرها أحد الأقارب اللي كان بيذاكر على لمبة جاز أو على
عامود النور الي في الشارع و نجح وخد الدكتوراه وسافر أمريكا بس متخفش
ياطعم يانتى ياسيد امك هتروحها وهتغسل اطباق

ههههههههههههههههه
ربنا يسعدك ويفرحك دايما يا هادي علي الضحك اللي أنا ضحكته
بس هي فعلا الحاجات دي بتتقال عندنا انا افتكرتها في المنصورة بس طلعت في بني سويف كمان
شكرا علي الموضوع الرائع ده يا هادي
في انتظار المزيد

ههههههههههههههههههههه

وانا والله اول ما قرتها ما كنتش مصدق ان الناس كلها بتقول كده

وشكرا لانك عديتى

علشان مش بحب كلمه مرورك

يعني انت جيت تكحلها عميتها
مبتحبش مرورك وبتحب عديتي
سبحان الله

خلاص

شكرا لمرورك

اى خدمه

يا سلام دا انتى تامرى

هههههههههههههه والله مش ف بنى سويف والمنصورة بس دى وصلت السويس كمان

ههههههههههههههههههههههههههههه

وف مصر كلها والله

تسلمى

» أشهر المشروبات في رمضان
» أشهر موقعك بخمس خطوات مجانية
» استئاف تصوير ''المصلحة'' بعد ثمانية أشهر من التوقف
» أسقف «سمسطا» يطالب شيخ الأزهر بالتدخل لإعادة شاب ‏مسيحى أشهر إسلامه