حصريا : مشاكل شاشات الكمبيوتر وحلولها وخاصة شاشات lcd على معانا تو د

قالوا فى الامثال : اسال مجرب وماتسالش طبيب
وانا اتلسعت من موضوع الشاشات ده كان عندى شاشه viewsonic مش lcd وتيجى تقولى كام بوصه اقولك كانت 19 ياكبير والانسان دائما متمرد صاحبكوا اتنطط عليها وقولت لابويا عاوز lcd جابلى واحد lg و17 بوصه كانت بتخطف من مره للتانيه روحت رجعتها واتخانقت مع الراجل بس ماتخافوش ماضربتش وجبت واحده 19 بوصه siemens لقيتها بتنمل مع انى اول مره اشوف شاشة كمبيوتر بتنمل ......... ماعليــــــــــــــــنا
المهم الحاجات دى حصلت معايا ده اللى خلانى اسال فى الموضوع ده وعرفت عنه كتير بصراحه اولا لو واجهتك نفس المشاكل تعمل ايه؟؟؟؟؟؟؟؟
ماتضايقش وماتزعلش اقولك بقه تعمل ايه
1- غير الكابل لو كان ابيض هاتلك واحد من الاسود والمدخل بتاعه ازرق النوع ده نضيف ولو كان اسود ومش شغال برضو هاتلك واحد اوريجينال 5 متر بيبقى من 25 الى 30 جنيه
2- لو الحوارات الفسكانه اللى قولتها دى كلها مانفعتش شوف كابل الباور
3- لو منفعش برضو هتاخد الشاشه عند صاحبك وتشغلها على كيسته لو اشتغلت يبقى الكيسه بتاعتك خاينه تروح واخدها لنفس الصاحب وشغل كيستك على شاشتك عنده لو ماشتغلتش وانت مجرب الشاشه قبل كده يبقى العيب فى الكيسه تشوف بقى كارت الشاشه والحوارات دى تمام؟
4- طب لو اشتلت يابرنس هباااااااااااااااااااااااااا
هنا بقى ترجع للكهربا بتاعت بيتكوا هتطفى كل الانوار والاجهزه وتخلى الكمبيوتر بس اللى شغال لو ملقتش نمله تبقى خدمتنا خدمة العمر تبدا تشغل جهاز حهاز لحد ماتلاقى الخط البايظ
5- اما لو لسه منمله مع اطفاء كل الاجهزه ساعتها بقه يبقى ماقدامكش غير حل واحد وهو تغيير كهربة البيت كله ومانصحكش اصحك بانك ترجع شاشتك القديمه زيي وان شاء الله فى شرح تانى لليزريوشن وابعاد الشاشه اللى ممكن تكون مشكله برضو لو عجبكم الموضوع ده مع العلم ان الموضوع ده من انشائى والله ومش منقول
وجرب تلاقيه على منتدى تانى ومش هتلاقيه
العبد الفقير الى الله
احـــــــــــــمد عبـــــــــــــــــد العــــــــــــدل
والســـــــــــــــلام ختــــــــــــــــــــــــــــام

» حصريا : توقيع فلاشى باغنية وائل جسار ( بتوحشينى وقلتلك ) حصريا على معانا تو داى
» حصريا:برنامج كش ملك(متجددباستمرار)على معانا تو داى وبس ح(10)
» حصريا:مسلسل ادم (متجددباستمرار)على معانا تو داى وبس - ح (5)
» حصريا : كل العاب كرة القدم لل ps1 للكمبيوتر على معانا تو داى وبس
» حصريا:برنامج حلمنتيشى(متجددباستمرار)على معانا تو داى وبس - ح(5)