من سمات الشارع المصري

الشارع المصري من ألذ وأحلى الشوارع العربية وله سمات وميزات حلوه
ساعات هذه الميزات تكون مضحكه
وساعات تعصب وتغضب
خلونا نشوف مع بعض شويه من هذه الميزات والسمات

1 من أهم المميزات التى يمكنك الحصول عليها فى الشارع المصرى
هى..إنك ممكن تقفل الشارع بمزاجك من غير ما حد يعترض ، لو عندك
حالة وفاة تستطيع أن تحول الشارع إلى دار مناسبات و تقفله بصوان
بس تسيب ممر صغير للناس تعدى منه على رجليها علشان ماتسبِّش للمرحوم.

2 فى حالة لو عندك فرح ممكن تقفل الشارع من غير ماتسيب ممر للناس تروَّح علشان مافيش حد أصلا هيروَّح قبل الفرح مايخلص.

3 مصر هيا البلد الوحيده اللى ممكن تلاقى فيها
سواق تاكسى يركِّبَك ببلاش ،ده لو السائق فعلا حس انك مفلس وارنتيجةتاحلك
نفسيا , أو انك تكون بطريقه

4 لو ركبت تاكسى و فى جيبك شريط بتحبه ممكن تديه
للسواق يشغله (وممكن كمان..علّى يا اسطى)،و سيزيد حماس سائق التاكسى
لتشغيل شريطك إذا كان كوكتيل شعبى حيث العنب و المولد وقوللووه ،أو إذا
كان خطبة عن عذاب القبر.

5 مصر هى الدولة الوحيدة التى تعرف فيها
هتدفع كام قبل ما تركب التاكسى(فى أوربا والدول المتقدمه زى دبى مثلا فيه
حاجة اسمها عداد)، هناك أشخاص يعتبرون سؤال سائق التاكسى (هتدفع كام) هو
سؤال بجح، لكن وبشكل عقلانى هو سؤال يضمن (حقكوا انتوا الاتنين).

6 مش كل مرة تتقفش فيها مخالف هتتسحب منك الرخصه، وده
أوبشن متاح فى مصر بس ، وعلشان رخصتك ماتتسحبش عندك كذا طريقة أشهرها
أنت مش عارف أنت بتكلم مين لكنها مش دايما مضمونه وممكن تقلب بغم.

7 وأسهلها إستعطاف أمين الشرطة و تبرير خطأك كطفل أمه
قفشته بيعاكس بنت الجيران مع التأكيد على إنك مش هتعمل كده تانى و
الإكثار من معلش و نهارك ابيض يا باشا.

8 و هناك الطريقة الأكثر فعالية وهى إنك تحط بين رخصة العربية ورخصة السواقة ورقة بعشرين.

9 بالمناسبة ممكن تاخد المخالفة عادى،ولمّا تروح تطلّع شهادة مخالفات تلغيها!.

10 معظم أصحاب السيارات الصيّع فى مصر معهم
خريطة بها الاماكن (اللى ينفع تركن فيها صف تانى من غير ما تتكلبش، حيث
أن الكلابشات ليست متوافرة فى كل الشوارع).

11 لدينا أيضا ميزة أن للكلبشة مواعيد عمل رسمية
نعرفها جميعا و تجعلك تركن سيارتك صف تانى أمام سنترال التحرير فى
الثالثة صباحا وانت متطمن.

12 لدينا ميزة إنك ممكن تفتح الإشارة بالضغط
على أمين الشرطة عن طريق الكلاكسات، فى الواقع لدينا ميزة أخرى أهم تدل
على أننا نعيش أجواء ديمقراطية وهى أن الواقفون فى الإشارة لديهم الحق فى
الوقت المقبول للوقوف فى الإشارة وعندما يتم تجاوز هذا الوقت تبدأ زفة
الكلاكسات. تحديد

13 لدينا ميزة اخرى وهى إنك ممكن تشترى سارينة
إسعاف و تركبها فى عربيتك، و ستساعدك كثيرا فى إختراق الزحام، لإن الناس
يفسحون الطريق تلقائيا عند سماع السارينة (حتى لو ماشافوش فى المراية اى
عربية إسعاف ).

14 لدينا أيضا ميزة الإلتصاق بسيارة إسعاف حقيقية (لو ماعندكش سارينة)،
الإلتصاق بسيارة الإسعاف سيجعلك تصل أسرع ، احيانا تحدث مناوشات بين
سائقى السيارات حول من يستحق أن يلتصق بالإسعاف، وهناك نوع من السائقين فى
منتهى خفة الدم (بيعملوا نفسهم قرايب المريض اللى فى عربية الإسعاف).

15 لدينا ميزة لا نراها هى فى حد ذاتها ولكن نرى
آثارها فى الشوارع بسهولة، ميزة الميكانيكية المهرة الذين يسمحون لسيارات
عمرها الإفتراضى إنتهى منذ سنوات بعيدة أن تستمر على قيد الحياة وتنافس
سيارات الألفية الجديدة فى شوارع القاهرة(يعنى فيه ميكانيكية ممكن
يخلوا عربيتك تعيش خمسين سنه على الأقل)، القاهرة هى العاصمة الوحيدة التى
سترى في شوارعها سيارات موديل أوائل الستينيات ((r 1100، وأوائل
السبعينيات (فيات 124)،و نهاية السبعينيات (فيات 132)، وبداية الثمانينيات
(الفيورا طبعا).، ناهيك –حلوه ناهيك دى- عن السيارات ابنة فترة
الاربعينيات والتى أصبحت قطع تاريخية نراها على فترات فى شوارع الزمالك
والمهندسين.

16 ممكن الناس تركب فى شنطة العربية الملاكى لو العربية مليانة ،
وهو مشهد له وقع طريف على من يراه، وهناك من يركب إلى جوار سائق
الميكروباص (على شمال السواق)،و هناك المقعد الامامى الذى يتسع احيانا
لثلاثة اشخاص(اتنين جنب بعض وواحد على رجلهم شويه وعلى التابلوه
شويه)،وهناك المجانين الذين يجلسون فوق شنطة السيارة وهى مسرعة،وهناك
الموتوسيكل الذى يحمل اسرة كاملة، لدينا ميزة الناس اللى بتشيل بعض فى
(الزنقة).

17 لدينا ميزة روح التعاطف المختلطة بالأمومة، يعنى
لو ماشى بعربيتك و كاوتش عربيتك نايم شويه او نص نايم او حتى
مهوّى،هتلاقى كل العربيات اللى بتعدى عليك بتهدى جنبك وكل اللى فيها
بيشاورولك على الكاوتش ، وهناك من هم متأججى المشاعر الذين يطاردونك حتى
يلحقون بك (و بيكسروا عليك علشان يلفتوا نظرك ....الفرده اللى ورا عايزه
تتزود).

18 النقطه السابقه نفسها تتكرر لو كنت ماشى بعربيتك وفيه باب من ابواب العربية مش مقفول كويس.

19 النقطة السابقة نفسها تتكرر لو ماشى وغطا تنك البنزين مفتوح.

20 تابع لروح التعاطف والأمومة ،إذا كنت على كورنيش المعادى او
الأتوستراد او الطريق الصحراوى ، ولاحظت أن السيارات القادمة فى الإتجاه
المقابل كلها بدون استثناء (عمّاله تقلّب لك نور) ، ستعرف فورا (إنه
فيه رادار أو لجنة رادار على الطريق) و أن تقليب النور ماهو إلا تحذير
أمهاتى إنه (خُد بالك يا بنى و على مهلك).

ههههههههههههههههه جااااااااااامدة اووووووووووووي يا احمد
فعلا الموقف بتاع اما يكون بابا العربية مش مقفول كويس حصل معايا كنت راكبة مع عمي وليقت سواق معدي عليه بالعربية وفتح الباب بتاع عربيته وقفله تاني قام عمي قايلي الباب اللي جنبك مش مقفول كويس ذهلت بصراحة هههههههههههه

تسلم الاياااااااااااااااااااااااادى

هههههههههههههههه
والله فعلا مافى اخف من دم المصريين دول
شكرا لمرورك يامبرو

» الإصابات تجتاح المصري قبل مواجهة الاهلي
» بالفيديو.. الأهلي يخطف فوزا صعبا من المصري بهدفين
» الزمالك يتجرع مرارة أول هزيمة بالدوري المصري على يد بتروجيت
» الاهلي يفوز علي الشرطة وينفرد بصدارة الدوري المصري الممتاز
» بالفيديو .. الأهلي يفقد النقطة الرابعة في الدوري بالتعادل ايجابيا مع المصري