معانا تو داى [M3ana2DaY]


معانا تو داى [M3ana2DaY] - افلام عربي - افلام اجنبي - اغاني - برامج - العاب
 
الرئيسيةاليوميةمكتبة الصورس .و .جبحـثقائمة الاعضاءالمجموعاتالتسجيلدخول

شاطر | 
 

 كاوتش العربية من الألف للياء (معلومات مهمة)!!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
theproff53
(.:: مشرف قسم السيارات وكلام شباب::.)
(.:: مشرف قسم السيارات وكلام شباب::.)


ذكر عدد المساهمات : 359
تاريخ التسجيل : 20/08/2009

مُساهمةموضوع: كاوتش العربية من الألف للياء (معلومات مهمة)!!   الإثنين أغسطس 24, 2009 6:20 am

طبعا بنلاقي ارقام كتيرة مكتوبة ع الاطار (الكاوتش)
معظم الناس ما تعرفش معناها
والاقلية بيتكلموا في مقاس الجانط وعرض الكاوتش
لكن في حاجات تانية كتير لازم تعرفها

ونبدأ بمثال عشان كلامنا يبقى واضح
العربية Mini cooper مثلا بتنزل السوق بإطارات مقاسها
P195/55R16 85H

كل حاجة متلونة ليها معنى
تعالوا نعرف معانيها
P معناها اطارات سيارة للركوب
195 ده عرض الاطار بالملي متر عند اعرض نقطة (يعني 19.5 سم)
55 معناها ان ارتفاع الكاوتش 55% من عرضه (يعني 10.7 سم)
R معناها اطار ريديال Radial يعني بنيه الإطار مكونة من أشرطة معدنية
16 مقاس الجنط بالبوصة (معظم العربيات بتبقى 13 او 14 بوصة)
85 معامل التحميل ومعناه 515 كجم لكل اطار (وهاضيفله جدول تحت)
H معامل أقصى سرعة يتحملها الاطار ومعناه هنا 210 كم /ساعة (وهاضيفله جدول تحت برضه)

جدول معاملات التحميل



جدول معاملات السرعة



شكل الاطار موضح عليه التفاصيل



مصطلحات أخرى:
P زي ما قلنا معناها سيارة ركوب
LT سيارة نقل خفيف
ST سيارة نقل مقطورة

نيجي لنقطة مهمة
وهي تاريخ تصنيع الاطار
للأسف معظم الحوادث اللي بتحصل بتبقى بسبب ان الاطار صلاحيته انتهت من غير ما الناس ما تعرف
المفروض كل مرة تروح عند بتاع الكاوتش تخليه يكشفلك عليهم كويس
وحاجة تانية هي اللي هانتكلم عليها من ضمن البيانات اللي بتبقى مكتوبة ع الكاوتش وهي تاريخ التصنيع
المفروض الكاوتش ما يُستخدمش بعد 5 سنين من تاريخ انتاجه
(يعني كمان مش من تاريخ استخدامه!!) وطبعا الاستخدام يكون زي ما هو مصنع
عشانه (اختلاف أنواع الطرق)


أما التاريخ بيكون مكتوب بطريقة غريبة شوية!!
يعني مثلا الكاوتش اللي راكب عندي حاليا: 3103
معناها ايه دي؟؟!!
الاسبوع 31 سنة 2003
يعني تقريبا شهر 7 / 2003


وزمان قبل سنة 2000 كانوا 3 ارقام بس
مثال : 253
أول رقمين 25 الاسبوع 25 والـ 3 معناها 1993 أو 1983

أتمنى الموضوع يكون عجبكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
كاوتش العربية من الألف للياء (معلومات مهمة)!!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
معانا تو داى [M3ana2DaY] :: المنتديات العامه :: السيارات-
انتقل الى: