مسـاعدة لجميـع الأعضـاء بخصـوص الصور المتحركـة - البرنامج و الشرح

بسم الله الرحمـن الرحيـم

بعد موضوع الصور المتحركة لشماريخ الالتراس من مباراة الاسماعيلي سألني كتير من الاعضاء عن البرنامج اللى بيحول الفيديو لصورة متحركـة .. ففضلت اني ارفع البرنامج

واحط له شرح على الاد مساعدة للى يحب يجرب حظه مع البرنامج

اسم البرنامج : Video-AVI to GIF Converter v2.016

بيحول بعض الصيغ زي الـ wmv و mpeg على وجه الخصوص لصور متحركة بصيغة gif طبعا

لينكين للتحميل :

هنا

او

هنا

مساحة البرنامج مش اكتر من 800 kb .. يا بلاش يعني وغير كدة خفيف على جهاز كل واحد مننا متحسش بيه ولا بيعمل مشاكل

والسيريال للاصدار ده هو : video2gif310-060224



شـرح البرنامج :

البرنامج بيشتغل معاه بعض الصيغ مش كلها .. يعني mpeg و wmv همه اللى بيشتغلوا .. لكن اي فيديو من اليوتيوب مثلا او صيغة avi او real player مش بيشتغل

فيبقى عندك برنامج بيحول الصيغ حيفيدك اوي عشان تعمل اي كليب تحبه ..

اولا صورة للبرنامج خلال عمل احد المقاطع :




الصورة دي : set t بتحدد منه بداية المقطع و ال end نهاية المقطع .




وبعدين بتروح للجزئية دي capture frame عشان تلقط المقطع اللى انت حددته .. والرقم 250 اللى جنبه ده هو المسؤول عن السرعة .. وبالنسبة لنقطة السرعة انا عاملها شرح

في اخر الموضوع لان في حاجة تخص الرقم ده وتحديد السرعة عشان مع الوقت تعرف تظبط الصورة بحركة طبيعية مش حركة اي كلام .. على الاغلب يعني

بشكل عام ممكن تغير الرقم 250 لرقم اقل قبل ما تلقط المقطع او ممكن تخليها زي ما هي وبعد ما تلقط المقطع تقلل الرقم وده حتفهمه من الرد اللى بقولك عليه ..

ورقم 65-65 .. ده يبقى معناه عدد ال frmaes او الصور بتاع المقطع اللى انت قطعته يعني زي الصورة الاولى كدة بالظبط وبيتغير حسب طول المقطع



رقم 100 ده المسؤول عن الحجم بتاع المقطع .. كبير او صغير .. لكن كل ما كان الحجم صغير كل ما كان مساحة الصورة لما ترفعها افضل لان اغلب مواقع الرفع بتقبل 2 ميجا بس ..

فلو حبيت ترفع صورة متحركة وحجمها " عرض و طول " كبار حيبقى حجمها 3 و 4 ميجا فما فوق وبالنسبة للرقم ( 352 ) ده العرض و ( 288 ) ده الطول ودول مرتبطين برقم 100

ولما تغير ال 100 العرض والطول بيتغيروا طبعا .. والمنتدى بشكل عام بيبقى العرض بتاعه 100 عندنا للصور الشخصية .

وكلمة preview : بعد ما بتقطع المقطع وتحدد السرعة 250 او خلافه وكدة بتعملها عشان تشوف الصورة حركتها عاملة ازاي

remove frame : بيفيدك لو انت قطعت مقطع معين وكان ال frames اللى عندك فيه صورتين او تلاتة او ما يزيد مش عاوزهم فبتعلم عليهم وتعمل ريموف .. وبالتالي لما تعمل حركة للصورة حتطلع من غير اللى انت حذفتهم وحتلاقي اللى انت حذفته لسة موجود ادامك بس متعلم جنبه علامة X .

و restore : ده لو انت حذفت صورة منهم بالغلط وانت عاوزها .. بتعلم عليها تاني وتعمل ريستور وحترجعلك


وده مكان السيريال .. زي ما انتو شايفين ده السيريال بتاع النسخة دي من البرنامج .. لكن ارجو ان ميحصلش مشكلة لو حطيتو السيريال لان ده اللى عندي من سنة تقريبا

ـــــ

وبالنسبة للسرعة وحركة الصورة .. ده رد ليا كنت شارح فيه لعضوة معانا .. فحنقله كما كتبته بالظبط :

معلومة مهمة جدا جدا ليكي :

1- بالنسبة للحجم .. لو انتي حتعملي صورة عشان المنتدى هنا زي صورتي اشخصية المتحركة .. يبقى انتي بتختاري من zoom اقرب رقم بحيث انتي لما بتختاري
مثلا 50% بيديكي جنبه رقم x رقم وده الطول والعرض ..
وعندنا هنا في المنتدى العرض دايما 100 والطول مش مشكلة خالص .. فعشان كدة لما بتقللي حجم الصورة اقرب حاجة توصليلها وتنفع يا اما 105 او 102 .. طبعا ده الرقم
اللى حتلاحظيه بعد ما تغيري النسبة المئوية جنبه مباشرة خبط لزق مش حتبصي بعيد ..


2- وده الاهم دلوقتي بالنسبة للسرعة ومع الوقت انتي بتكتشفيه ..
السرعة

طبعا انتي بتحددي بداية و نهاية لمقطع فيديو عشان تلقطي الصورة المتحركة على هيئة كذا صورة للمقطع المحددد .. بطريقة capture frame وزي ما قلتلك عشان تتحكمي في السرعة بتغيري رقم 250 اللى فوق بتوصليه ل 100 او 125 او اي رقم مناسب .. فانتي كل ما تغيري السرعة في كلمة preview تحت اضغطي عليها بعد التغيير عشان تشوفي
الشكل بعد السرعة بقى عامل ازاي .. متنسيش الحتة دي .. بس مش دي نقطتي برضو

النقطة بتاعتي انك قبل ما تلقطي الصور بطريقة capture دي .. يفضل انك تغيري رقم 250 الى 100 او 75 ((( قبل ما تلقطي الصور ))) وده مهم اوي
وبعدين تعملي حكاية ال capture ..
الطريقة دي بتديكي الصور بعدد اكبر .. فبعد ما تلقطي الصور كلها وتعمكلي preview ..
لو انتي اخترتي 100 ولقطتي الصور وانتهى اللقط .. غيري السرعة 75 بيبقى احسن والحركة طبيعية

ولو عملتي 75 قبل لقط الصور .. يبقى بعد اللقط يا تخليه يا تقلليه ل 50

ـــ

خلاصة حتة السرعة وسر الرقم 250 هو ان لو لقطتم الصورة والرقم كان هو 250 فعدد ال frames بيبقى اقل .. لكن لو غيرتم الرقم " اولا " وبعدين عملتم capture " ثانيا " للصورة

عدد ال frames بيزيد لانه بيلقط الحركة بدقة اكبر واكبر ..

ومعلومة كمان .. فلنفترض ان السرعة لاي حركة فيديو ليه رقم معين .. مثلا كليب معين سرعته 10 .. يبقى لما تعمل صورة متحركة مش حينفع تعمل حركة الصورة تكون اسرع من حركة

الكليب وتبقى 7 او 6 او اقل كمان .. وعشان كدة ساعات بتظبط فيديو كان المقطع اللى انت لقطته بطيء وغيرت انت في السرعات ولما عملت preview ادامك لقيته بقى سريع

فلما بتعمله save على جهازك .. تيجي تفتح الصورة تلاقي حركة الصورة بطيئة رغم انك شايفه قبل التسييف سريعة !!

وده شيء اكتشفته مع الوقت !

ــــــــــــ

م
ن
ق
و
ل

شكرا يا استاذ عادل علي الموضوع

شكرا ياباشا على مرورك بس احمد مش عادل

السلام عليكم اخ عادل ممكن اسلك سؤال على غير هذا البرنامج محتاجه مساعدتك اختك بالله من العراق الجريح

اتفضلى اختى اسالى