د\ هند على كرسى الاعتراف ادخل اسالها برااااااااحتك

بما ان عبدو اختار

دكتورة المنتدى على الكرسى بتاعنا

يبقى لازم تقعدى يادكتوره

بس خلى بالك
الواد هادى شكله كده مستحلفلك

هو واميره

3 -- 2 -- 1

ابدئواااااااااااا

انا فعلا مستحلفالها جدا وياريت الكل ينضم ليا
هههههههه
انا عارفه انك هتسترخمي اسئلتي بس معلشي جاوبي
الاسئلة يا دكتورة :

1 - ايه رأيك في الحب ؟؟؟

2 - جربتيه ؟؟؟

3 - ايه هي امنيتك ؟؟؟

4 - انا شايفاكي اليومين دول متغيره ياريت تقولي السبب ؟؟؟

5 - ايه هو حرفك المفضل ؟؟؟

6 - أكتر اسم ولد بتحبيه ؟؟؟

7 - بتفكري في مين قبل ما تنامي ؟؟؟

8 - نصيحة تقوليها لأخوانك الغلابه اللي في تالته ثانوي( أحمد واحمد وهاااااادي ..... الخ ) ؟؟؟

9 - ان شاء الله اما تتجوزي هتبقي تشتغلي ولا ....؟

10 - ولو عزتي تشتغلي وسي السيد منعك هتعملي ايه ؟؟؟

11 - ايه رأيك في الصداقة بين البنت والولد ؟؟؟

12 - اعتذار عايزه تقدميه ... لمين ؟؟؟

13 - فتحتي الباب مره ولقيتي بوكيه ورد جميل جدا تتمني يكون من مين ؟؟؟

14 - أسوأ خبر سمعتيه ؟؟؟

15 - أجمل خبر سمعتيه ؟؟؟

16 -جريمة تتمني ارتكابها ؟؟؟

17 - اوصفي نفسك ؟؟؟

18 - المطرب / ة المفضل ( يارب تغيريها بقي )؟؟؟

19 - شخص لا ترفضي له اي طلب ؟؟؟

20 - ما هو أصعب موقف مر عليكي في حياتك ؟؟؟

21 - " مستحيل أنساك " تقوليها لمن ؟؟؟

22 - حكمة تؤمني بها جدا ؟؟؟

23 - في سؤال بيلح عليا انتي هتفطرينا ايه النهارده ؟؟؟

كفايه كده بقي احسن تحلف ما انا قاعده علي الفطار
أكمل بعد الفطار

هههههههههه
يلا بقه يادكتوره

وبصى بقه يااميره

جريى تساليها اى حاجه فى البيت عندكم لو مجاوبتش فى البيت واتهربت منك

اساليها هنا

ايه رايك فى الاقتراح ده؟؟؟

لمن تقولي هذه العبارات ؟

تعجبني صراحتك :
تعجبني هدؤك :
فقدناكم:
تعجبني خفت دمكم :
تعجبني افكارك:

لو قال لك المصباح السحري إختاري أمنيتين ايه تختاري....؟

بصراحة كم جنيه بمحفضتك......؟

تاكلي كورن فليكس ولا لا؟

كم مره انسرق إيميلك ؟

وش لون بيتكم ؟

انتي عمه ولا خاله ولا لسه ؟

عندك حساب بالبنك ؟

كم مره ختمتي القرآن برمضان ؟

تحبي الكولا ولا الببسي ؟ وايه الفرق بينهم ههههههههههههههههههه

اكتبي اهداء لجميع اعضاء المنتدا بالانجليزي

تقري الشعر او لا ؟

اكتبي بيت شعر خاطر على بالك ناوو

تخيلي يدق عليك واحد وقالك انتي على الهواء مباشره على محطة ... وربحتي معنا مليون جنيه تعملى ايه ؟
برايك أنتي تمتلكين صفة الغيره ؟

الجميع يبحث عن الحب النآقي فهل وجديته ؟

3- لو كآن بيدك أن تمحي من حيآتك موقف ، لحظه مآهي ؟

لا تأسفن على غدر الزمان لطالما
رقصت على جثث الاسود كلاب
ولا تحسبن برقصاه تعلو على اسيادها
فا الاسود اسود والكلاب كلاب

هذا البيت لو كان مسج علىموبايلك لمين هترسليها؟؟

متى يعاندك النسيان ؟؟

باسخن بس
اوووووووووك

بالنسبه لاسئلتك يا اميره انتى عارفه اجابتها كويس بس هى رخامه وخلاص
وعلى العموم هرد عليكى
1- ايه رأيك في الحب ؟؟؟
من غير حب مفيش حياه

2 - جربتيه ؟؟؟
ايوه جربته

3 - ايه هي امنيتك ؟؟؟
ان ربنا يحققلى الى فى بالى

4 - انا شايفاكي اليومين دول متغيره ياريت تقولي السبب ؟؟؟
بسبب خبر سمعته ومكنتش متوقعاه

5 - ايه هو حرفك المفضل ؟؟؟
هـ

6 - أكتر اسم ولد بتحبيه ؟؟؟
وسام

7 - بتفكري في مين قبل ما تنامي ؟؟؟
فى خطيبى

8 - نصيحة تقوليها لأخوانك الغلابه اللي في تالته ثانوي( أحمد واحمد وهاااااادي ..... الخ ) ؟؟؟
السنه دى هتحدد مصير كل واحد فيكوا ولو تعرفوا انتوا هتبقى ايه فى الكليات وهتتعبوا ازاى
هتعرفوا قيمه السنه دى ايام الامتحانات فى الكليه ان مكنتش بنام نهائيا وغير كده
فى ايام الدراسه كنت بصحى 6 الصبح وارجع البيت 7 او 8 بالليل
فخدوا بالكوا

9 - ان شاء الله اما تتجوزي هتبقي تشتغلي ولا ....؟
ان شاء الله انا عاوزة اشتغل بس خطيبى مش عاوز يشغلنى

10 - ولو عزتي تشتغلي وسي السيد منعك هتعملي ايه ؟؟؟
لو اقنعنى انى مشتغلش وشايفه انى هكون مرتاحه خلاص بس لو انا اقنعته بشغلى يبقى هشتغل

11 - ايه رأيك في الصداقة بين البنت والولد ؟؟؟
جميله جدا بس فى حدود وانا نفسى عندى اصدقاء ولاد وسهل قوى الصداقه بين الولد والبنت يتحول لحب

12 - اعتذار عايزه تقدميه ... لمين ؟؟؟
لنفسى

13 - فتحتي الباب مره ولقيتي بوكيه ورد جميل جدا تتمني يكون من مين ؟؟؟
من خطيبى طبعا

14 - أسوأ خبر سمعتيه ؟؟؟
ان شخص عزيز عليا قبل فى الجيش وظابط كمان

15 - أجمل خبر سمعتيه ؟؟؟
يوم ما اعترفلى خطيبى بحبه ليا

16 -جريمة تتمني ارتكابها ؟؟؟
اقتل شخص معين

17 - اوصفي نفسك ؟؟؟
اجتماعيه

18 - المطرب / ة المفضل ( يارب تغيريها بقي )؟؟؟
لا مش هغيرها ام كلثوم

19 - شخص لا ترفضي له اي طلب ؟؟؟
ايه السؤال الرخم ده
خطيبى

20 - ما هو أصعب موقف مر عليكي في حياتك ؟؟؟
شفت حاجه زعلتنى قوى ومعرفتش اعمل ايه وندمت انى معملتش حاجه

21 - " مستحيل أنساك " تقوليها لمن ؟؟؟
افهوها انتوا بقى

22 - حكمة تؤمني بها جدا ؟؟؟
لا يأس مع الحياه ولا حياه مع اليأس
والامل دايما موجود

23 - في سؤال بيلح عليا انتي هتفطرينا ايه النهارده ؟؟؟
انتى خلاص فطرتى فراخ

بالنسبه لاسئله هادى

لمن تقولي هذه العبارات ؟

تعجبني صراحتك :
تعجبني هدؤك :
فقدناكم:
تعجبني خفت دمكم :
تعجبني افكارك:
كل الصفات دى فى اصحابى لكل واحده فيهم صفه ولا لازم اكتب اسمائهم

لو قال لك المصباح السحري إختاري أمنيتين ايه تختاري....؟
الامنيه الاولى امحى جزء من حياتى نهائيا كأن لم يكن
الامنيه التانيه ربنا يحققلى الى فى بالى

بصراحة كم جنيه بمحفضتك......؟
25

تاكلي كورن فليكس ولا لا؟
لأ

كم مره انسرق إيميلك ؟
ولا مره

وش لون بيتكم ؟
سكرى
انتي عمه ولا خاله ولا لسه ؟
لا لسه انا الكبيره

عندك حساب بالبنك ؟
لأ

كم مره ختمتي القرآن برمضان ؟
فى رمضان ده لسه ولا مره بس ههختمه ان شاءالله بعد 3 ايام

تحبي الكولا ولا الببسي ؟ وايه الفرق بينهم ههههههههههههههههههه
مش بحبهم خالص

اكتبي اهداء لجميع اعضاء المنتدا بالانجليزي
I wish a happy life to all members

تقري الشعر او لا ؟
لا
اكتبي بيت شعر خاطر على بالك ناوو
مليش فى الشعر قوى

تخيلي يدق عليك واحد وقالك انتي على الهواء مباشره على محطة ... وربحتي معنا مليون جنيه تعملى ايه ؟
هقوله شكرا والحمد لله على كل شئ

برايك أنتي تمتلكين صفة الغيره ؟
على حسب هغير من ايه

الجميع يبحث عن الحب النآقي فهل وجديته ؟
نعم وجدته

3- لو كآن بيدك أن تمحي من حيآتك موقف ، لحظه مآهي ؟
موقف شفته وكان فى واحده صحبتى ومكنتش متوقعاه ابدا
لانى اتهزيت من جوايه

لا تأسفن على غدر الزمان لطالما
رقصت على جثث الاسود كلاب
ولا تحسبن برقصاه تعلو على اسيادها
فا الاسود اسود والكلاب كلاب

هذا البيت لو كان مسج علىموبايلك لمين هترسليها؟؟
الى صديق لى من الاسكندريه

متى يعاندك النسيان ؟؟
مش بسمحلوا انه يعاندنى لانى عنديه جدا

نفسك تغيري ايه في حياتك ؟

هل فعلا فى فى الحب كرامة ولا اللى بيحب لازم يدوس على كرامتة ؟؟؟؟؟؟

ايه الفرق بين الحبيب والصديق ؟

ايه هو الشئ اللي بتخافي منه اوي ؟

هل حسيت في يوم من الايام انك السبب في تعاسة شخص ما ؟

لو ليكى واحده صحبتك جداااااااااا من سنيييييييييين
وبعد كدة طنشتك ومش بتعبرك الا فى الوقت اللى تكون فيه هى محتجالك فيه؟
تعملي ايه؟

thnx

اه فعلا هي عنديه جدا
طالعالي
ههههههه

_________________________________
ايه الاجابات دي يا ست الدكتورة
اكيد طبعا الاعضاء مش عاجباهم الاجابات دي احنا عايزين اجابات تمام التمام
يعني مثلا امنيتك ايه ربنا يحققلي اللي في بالي طيب ما احنا عايزين نعرف ايه اللي في بالك
وكمان ايه الموقف اللي حصل ومعرفتيش تعملي حاجه وندمتي انك معملتيش فهمنا احنا ايه يعني
ولا ايه يا جماعة ؟؟؟؟؟؟

الاسئلة التانيه بقي :

1 - زي ما انا وانتي عارفين انتي كنتي في الثانوي مش بتذاكري زي الوقتي قوللنا السبب اللي ما كانش بيخليكي تذاكري في الثانوي والسبب اللي خلاك تذاكري دلوقتي ؟؟؟

2 - قبل اما تنامي بشوفك ماسكه الموبايل فتره طويله وبعمل نفسي نايمه بتبقي بتعملي ايه غير حكاية بقرأ سورة الملك دي ؟؟؟

3 - ايه العيوب اللي انتي شايفاها فيا ؟؟؟

4 - ايه المميزات اللي انتي شايفاها فيا ؟؟؟

5 - ايه اكتر حاجه بتضايقك فيا ؟؟؟

6 - تفتكري انا ممكن اوصل للي انا عاوزاه ؟؟؟والسبب ؟؟؟

7 - بما انك متخصصة مكرونة بالبشاميل قوللنا الوصفة بالتفصيل ؟؟؟

8 - اول بنت ليكي هتسميها ايه ( ههههههه ) ؟؟؟

9 - أول ولد ليكي هتسميه ايه ؟؟؟

10 - ايه العيوب والمميزات اللي انتي شايفاها في خطيبك ؟؟؟
أكيد هتقولي مفيش عيوب ما علينا

11 - خطيبك صفي من ناحية صحبتنا ولا لسه ؟؟؟

12 - بتكلمي خطيبك قد ايه في اليوم ؟؟؟

13 - ايه رأيك في كلية علوم ؟؟؟

14 - مين اقرب ليكي وبتحسي انه فاهمك اكتر بابا ولا ماما ؟؟؟

15 - تفتكري ( ..... ) هتتغير ؟؟؟

16 - الايميل بتاعك فيه الرقم ده ( 116 ) انا عايزه اعرف اشمعني ده يعني ؟؟؟

17 - افضل يوم عندك في السنه كلها ؟؟؟
( أكيد طبعا مش هتقولي يوم ميلادي )

18 - عاده تفعليها ع طول تتمني تركها ؟؟؟

19 - ايه رأيك في عمرو خالد ( $د\ هند على كرسى الاعتراف ادخل اسالها برااااااااحتك 504556$ (

20 - علي فكره الشوربة بتاعة النهارده كانت عايزه شوية ملح ابقي زودي الملح شويه صغيرين بس متكتريش ؟؟؟

وضبلي مكان في المنتدي بقه يا احمد انام فيه
عشان انا بيني هتطرد من الاوضه النهارده !!!!!!

يا حاجه الاجابات نص كم
ههههههههههههههههه
ما علينا
بالنسبه للصفات كل واحد صفه

اسم خطيبك؟؟؟

مهنته؟؟؟؟؟اكيد دكتور

عندك كام سنه؟؟؟؟

حافظه القران؟؟؟؟

شخصيه مشهوره تحبنها وتؤثر فيكى؟؟؟؟؟

اختك بتكره عمرو خالد ليه؟؟؟؟؟؟

علي فكره يا هادي انت معتش بتفهمها وهي طايره زي الاول
اقرأ اجاباتها علي الاسئلة كويس وبتمعن وبعدين هتعرف اسم خطيبها ايه
وبالنسبة لسؤال عمرو خالد انا مش بكره اوي كده يعني انا مش بفضله وشوفتله النهارده حلقة من برنامج قصص القران وبدأت أقتنع بيه والحمد لله
متأسفين يا دكتورة هند علي التدخل في الموضوع والاجابة بدون اذن
وكمان ايه ده يا هادي هي دي الاسئلة اللي انت سألتها بس جاي علي نفسك اوي كده ليه
روح اتسحر كويس وتعالي كمل

البت دى خدت عليا يا جدعاااااان
ههههههههههههههههههههه
هههههههههههههههههههه
اه والله العظيم

انا عارف الاسم وقريت وفهمت
وكنت هاعلق عليه ومردتش لانها ممكن تزعل

لان بنت عمى ليها نفس الاسم
بس انتى اجبرتينى انى اقول كده نااااااااو

وبعدين انا كنت حاطط ييجى
حاجه واربعين سؤال بس الجهاز
بعتلى انذار انهيار
وملحقتش انسخ غير دوووول
اصل جهازى بعيد عنك
عنب عنب عنب
اووووووووك
وبعدين انا عمال اتحايل على امى تعملى اكل
مش راضيه
بتقولى استنى علشان نتسحر كلناا
ههههههههههههههههههههههه

ايه حكاية خدت عليا دي يا هادي
ها الوش الصعيدي بتاعي هيظهر
هو لسه لغاية الوقتي ما ظهرش
فخليه مخفي احسن
ههههههه
وكمان ايه حكاية بتحايل علي امي دي
انت مش عارف طريق المطبخ والتلاجه ولا ايه

هههههههههههههههههه
هههههههههههههههههه
ههههههههههههههههه

عارف طريقه والله
بس الواحد جاى من درسين
ورا بعض ومشطب ع الاخر

ههههههههههههههه
بس حلوة الوش الصعيدى دى

ايه سبب اشتراكك فى المنتدى؟؟؟؟؟؟؟

بصراحه ايه رايك فى اعضاء المنتدى؟؟؟؟؟؟؟؟

موقف محرج حصل لك مش قادره تنسيه ياري تحكيه؟؟؟؟؟؟

موقف مضحك و اخر مؤلم؟؟؟؟؟؟؟؟؟؟؟؟؟

ايه هى

ايجابياتك

سلبياتك

طموحاتك ؟

ماهي هوايتك المفضله ؟؟؟؟؟

اكثر كلمة تقوليها على لسانك ماهي؟؟؟؟؟

هل تؤيدى الزواج العاطفي ام الزواج التقليدي ..؟؟ ولماذا ..!!

إيه احب شهر عندك ؟

إيه أحب يوم عندك ؟

ايه اكثر أكلة تعجبك ؟

ماهو مدى تأثيرك على من حولك ؟ ومدى تأثرك بهم ؟

مارأيك فى تعدد الزوجات ؟وهل هو أفضل أم العنوسة؟ وما رأيك فيمن تقبل به من النساء لأنها تحب الخير لغيرها؟

هل أنت من المطّلعين بالسياسة؟

ماهو مفهوم الوطنية بالنسبة لك؟

هل أنت راضية عن نفسك كفتاة مسلمة؟

ايه اكتر صفه بتتخنقى منها ..... وليه ؟؟ وبتتصرفى معاها ازاي ؟؟؟

بتهتمى انك تزورى قرايبك ؟

بتهتمى باخوك الصغير ولا هوه عشان صغير مش فايقاله ؟؟؟

ممكن ايه اكتر حاجه تنرفزك في البيت ؟؟؟

عمرك قابلت حد واتخنقت منه وبعد كده بقيت انتى وهوه اصحاب ؟

مامتك صديقه ليكى .........؟؟؟

ليك بصمه في البيت يعني انتى لو غبتى عن البيت هيبان ان البيت ناقصه حاجه؟

- مين قدوتك؟؟؟

ياترى دموعك بتنزل قدام اى حد كدة ولا من الصعب انها تنزل

يلا دول علشان خاطر اميره

ولو فيه سؤال مكرر ما تجاوبيش

theproff
نفسك تغيري ايه في حياتك ؟
اغير من نفسى

هل فعلا فى فى الحب كرامة ولا اللى بيحب لازم يدوس على كرامتة ؟؟؟؟؟؟
الحب كرام وكرامتك من كرامه الشخص الى بتحبه

ايه الفرق بين الحبيب والصديق ؟
الحبيب هتقوله على كل حاجه جواك والمفروض انه يفهمك اكتر من الصديق لانه اقربلك منه
اما الصديق مش هتحكليله على كل حاجه لان بوجود الحبيب بيقل دور الصديق

ايه هو الشئ اللي بتخافي منه اوي ؟
الى جاى

هل حسيت في يوم من الايام انك السبب في تعاسة شخص ما ؟
لا لان كل انسان قادر على اسعاد نفسه بنفسه وانا من النوع الى بحاول مساعده كل الناس
يعنى اشيل هم غيرى ومشلش همى

لو ليكى واحده صحبتك جداااااااااا من سنيييييييييين
وبعد كدة طنشتك ومش بتعبرك الا فى الوقت اللى تكون فيه هى محتجالك فيه؟
تعملي ايه?
هساعدها فى الى هى عوزاه بس هعرفها هى بتعمل ايه

اميره اجابات الاسئله دى انتى عارفاها وبطلى رخامه بقى

1 - زي ما انا وانتي عارفين انتي كنتي في الثانوي مش بتذاكري زي الوقتي قوللنا السبب اللي ما كانش بيخليكي تذاكري في الثانوي
والسبب اللي خلاك تذاكري دلوقتي ؟؟؟
فى الثانوى المذاكره مكنتش فى دماغى خالص يعنى انا داخله الامتحانات من غير ما ذاكر
بذاكر دلوفتى عشان اكون واحده على قدر كبير من العلم تقدر تعمل بيه حاجه لنفسها ولغيرها

2 - قبل اما تنامي بشوفك ماسكه الموبايل فتره طويله وبعمل نفسي نايمه بتبقي بتعملي ايه غير حكاية بقرأ سورة الملك دي ؟؟؟
بقرأ الرسايل الاخيره

3 - ايه العيوب اللي انتي شايفاها فيا ؟؟؟
الرخامه ساعات

4 - ايه المميزات اللي انتي شايفاها فيا ؟؟؟
طيبه

5 - ايه اكتر حاجه بتضايقك فيا ؟؟؟
لما اقولك نامى ومش بترضى وتتكلمى كتير

6 - تفتكري انا ممكن اوصل للي انا عاوزاه ؟؟؟والسبب ؟؟؟
اه ممكن طول ما عندك هدف بتسعى اليه وعزيمه انك تحقيقه
يبقى ان شاء الل هتوصلى للى انتى عاوزاه

7 - بما انك متخصصة مكرونة بالبشاميل قوللنا الوصفة بالتفصيل ؟؟؟
ابقى اقفى معايه فى المطبخ وانتى هتعرفى
وكمان الطبخ مش مجرد خطوت الطبخ اكتساب مهاره

8 - اول بنت ليكي هتسميها ايه ( ههههههه ) ؟؟؟
خطيبى عاوز يسميها هند

9 - أول ولد ليكي هتسميه ايه ؟؟؟
احمد

10 - ايه العيوب والمميزات اللي انتي شايفاها في خطيبك ؟؟؟
أكيد هتقولي مفيش عيوب ما علينا
عصبى بس لما بيهدى ووتقنعيه بيقتنع

11 - خطيبك صفي من ناحية صحبتنا ولا لسه ؟؟؟
لا ومش ناوى

12 - بتكلمي خطيبك قد ايه في اليوم ؟؟؟
مش شرط عدد المرات وممكن منتكلمش خالص

13 - ايه رأيك في كلية علوم ؟؟؟
انا كنت داخلاها عادى بس دلوقتى انا حباها جدا

14 - مين اقرب ليكي وبتحسي انه فاهمك اكتر بابا ولا ماما ؟؟؟
ماما

15 - تفتكري ( ..... ) هتتغير ؟؟؟
لا مظنش

16 - الايميل بتاعك فيه الرقم ده ( 116 ) انا عايزه اعرف اشمعني ده يعني ؟؟؟
ملكيش دعوة

17 - افضل يوم عندك في السنه كلها ؟؟؟
( أكيد طبعا مش هتقولي يوم ميلادي )
11/6

18 - عاده تفعليها ع طول تتمني تركها ؟؟؟
مفيش

19 - ايه رأيك في عمرو خالد ( $د\ هند على كرسى الاعتراف ادخل اسالها برااااااااحتك 504556$ (
مش بحبه

20 - علي فكره الشوربة بتاعة النهارده كانت عايزه شوية ملح ابقي زودي الملح شويه صغيرين بس متكتريش ؟؟؟
الملح لازم يكون قليل شويه عشان الكلوسترول وخصصوصا اننا فى رمضان

هادى

يا حاجه الاجابات نص كم
ههههههههههههههههه
ايه ده انتى شايفنى واقفه ابيع دره

اسم خطيبك؟؟؟
انت عرفته

مهنته؟؟؟؟؟اكيد دكتور
ايوه

عندك كام سنه؟؟؟؟
21

حافظه القران؟؟؟؟
اجزاء منه

شخصيه مشهوره تحبنها وتؤثر فيكى؟؟؟؟؟
مفيش

اختك بتكره عمرو خالد ليه؟؟؟؟؟؟
انا كمان مش بحبه متوصلش للكرهيه

ايه سبب اشتراكك فى المنتدى؟؟؟؟؟؟؟
عجبنى

بصراحه ايه رايك فى اعضاء المنتدى؟؟؟؟؟؟؟؟
دمهم خفيف

موقف محرج حصل لك مش قادره تنسيه ياري تحكيه؟؟؟؟؟؟
مفيش لانى بحاول اتجنب المواقف المحرجه

موقف مضحك و اخر مؤلم؟؟؟؟؟؟؟؟؟؟؟؟؟
المؤلم لما اشوف حد اتجرح وانا مش قادره اعمله حاجه
المحرج لو دخلت محاضره متاخر

ايه هى

ايجابياتك
الامل والابتسامه دائما
سلبياتك
العصبيه

طموحاتك ؟
انى اكون واحده مهمه فى المجتمع

ماهي هوايتك المفضله ؟؟؟؟؟
حل مشاكل الغير

اكثر كلمة تقوليها على لسانك ماهي؟؟؟؟؟
مفيش كلمه معينه

هل تؤيدى الزواج العاطفي ام الزواج التقليدي ..؟؟ ولماذا ..!!
الزواج العاطفى والسبب انه مثلا لو حصل مشكله بين اتنين كل واحد فيهم هيفتكر حاجات حلوة بينهم وصفات كل واحد
فهيخفف من حده المشكله

إيه احب شهر عندك ؟
11

إيه أحب يوم عندك ؟
11/6

ايه اكثر أكلة تعجبك ؟
المكرونه بالبشاميل واحب اعملها
لانى مش بحب اعمل الاكلات البسيطه

ماهو مدى تأثيرك على من حولك ؟ ومدى تأثرك بهم ؟
بتاثروا بيا كتير وانا بتاثر بيهم

مارأيك فى تعدد الزوجات ؟وهل هو أفضل أم العنوسة؟ وما رأيك فيمن تقبل به من النساء لأنها تحب الخير لغيرها؟
له عيوب ومميزات بس عن نفسى مقبلش بيه

هل أنت من المطّلعين بالسياسة؟
لا

ماهو مفهوم الوطنية بالنسبة لك؟
انك متخونش البلد يعنى تشتغل على قد ما تقدر ولا تعمل على الانقلاب

هل أنت راضية عن نفسك كفتاة مسلمة؟
الى حد ما

ايه اكتر صفه بتتخنقى منها ..... وليه ؟؟ وبتتصرفى معاها ازاي ؟؟؟
اللا مبالاه بتصرف بعنف مع الشخص ده بحس ان وجوده من عدمه

بتهتمى انك تزورى قرايبك ؟
اه طبعا

بتهتمى باخوك الصغير ولا هوه عشان صغير مش فايقاله ؟؟؟
بهتم بيه

ممكن ايه اكتر حاجه تنرفزك في البيت ؟؟؟
لما اقول لحد ميعملش حاجه ويعملها عند

عمرك قابلت حد واتخنقت منه وبعد كده بقيت انتى وهوه اصحاب ؟
ايوه بس مش اصحاب قوى

مامتك صديقه ليكى .........؟؟؟
ايوة

ليك بصمه في البيت يعني انتى لو غبتى عن البيت هيبان ان البيت ناقصه حاجه؟
بصمه واضحه

- مين قدوتك؟؟؟
بابا

ياترى دموعك بتنزل قدام اى حد كدة ولا من الصعب انها تنزل
مش قدام اى حد قدم نفسى فقط

بصوا يا جماعه لو اى حد فيكوا محتاج اى حاجه او محتاج يتكلم مع اخ او اخت اكبر منه فانا موجوده وانا مش اكبر منكوا قوى يعنى اقدر افيدكوا على قد ما اقدر يعنى لو عندك مشكله لا قدر الله او حاجه او موقف مش عارف تعمل فيه ايه
فأنا موجوده ولكم منى كل الثقه والكتمان والاحترام المتبادل

طب كويس نخلي احمد يعمل قسم للطب النفسي
وادينا لاقينا الطبيبة النفسية
يلا يا احمد نفذ ....

ههههههههههههههه

كنت متاكد انه دكتووور

لانه دخل

الجيش اجبارى وظابط

ههههههههههههههه

نفس الكلام ممكن يحصل مع اخويا

معلش ياجماعه طلب صغير

محدس يسال غير لما اللى على الكرسى يرد

وارجوكم متخرجوش بره الموضوع

يادكتوره دا اخر يوم ليكى

ارجوكى تختارى اللى بعدك

متهالى هيكون مونى يااما شريف

بس بعد مونى وشريف اللعبه هتبقى 3 ايام

كده اليومين خلصوا
وهختار مونى

بسسسسسسسسسسسسس

كده فعلا الموضوع خلص

بص بقه ياعم هادى

عليك انت تبلغها برساله خاصه ولو ردت عليك قولى علشان اعملها موضوع منفصل

اتفقنا؟؟؟؟

يغللللللللللللللللللللللللللللق

مونى وافقت

اعمل الموضوع يااااااض

اوووووووووووووك

يغلللللللللللللللق

» مونى على كرسى الاعتراف ادخل اسالها براحتك
» theproff53 على كرسى الاعتراف ادخل اسال براحتك
» ابو صلاح على كرسى الاعتراف ادخل اساله براحتك
» M!DO ( المدير ) على كرسى الاعتراف ادخل اسالنى واعصرنى براحتك
» احمد عرامى على كرسى الاعتراف ادخل اساله واعصره براحتك..............