theproff53 على كرسى الاعتراف ادخل اسال براحتك

بعد اختيار منه لشريف

اهو جه دورك يابروف

اما نشوف بقه نظامك ايه معانا

شكل ايامك هتبقى سودا

يلا ماعلينا

3 -- 2 -- 1

ابدئوااااااااااااا

هاروح اصلى واجيييييلك

ايه يا عم انت بتصلي ولا بيصلوا عليك
انا مستني
لما اشوف اخرتها

هادي بينه معتكف
هههههههههه
ولا يهمك يا عم اسأل انا لو مكانش فيه مانع يعني :

بما انك انت و احمد وهادي أصحاب فأكيد السن واحد والبلد واحه وانت قولت اسمك قبل كده شريف كامل
فما علينا من البطاقة الشخصية
أووووووووووك ؟؟؟

1 - ما هي امنيتك ؟؟؟

2 - مجموعك في 2 ثانوي ؟؟؟
لو مش عايزه تقوله مش مشكله خااالص
شوفتوا انا طيبه ازاي ؟؟؟
هههههه

3 - ترتيبك بين أخواتك ؟؟؟

4 - ايه رأيك في : -

أحمد :-

هادي :-

أحمد عرامي :-

عبد الرحمن :-

vvvvvv39 :-

جبت الرجاااااله الاول اهو أي خدمه
ندخل ع البنات بقي

mony :-

الأميرة اللي هو أنا يعني :-

5 - أكتر يوم بتحبه في الأسبوع ؟؟؟

6 - أكتر يوم بتحبه في السنة ؟؟؟

7 - اللون المفضل ؟؟؟

8 - ايه رأيك في الحب ؟؟؟
نفسي حد مره يقولي مفيش حاجه اسمها حب ( هههههههه )

9 - هل تعترف بالصداقة بين البنت والولد ؟؟؟

10 - اتظلميت قبل كده ؟؟؟ امتي ؟؟؟ ومن مين ؟؟؟

11 - قدوتــــــــــك ؟؟؟

12 - أكتر اسم بنت واسم ولد بتحبه ؟؟؟

13 - الاكلة المفضله ؟؟؟

14 - حاجه من غيرها متقدرش تعيش ؟؟؟

15 - عاده تفعلها تتمني تركها ؟؟؟

16 - عاده لا تفعلها وتتمني المحافظه عليها ؟؟؟

17 - بتحب حسني مبـــــــارك ؟؟؟

18 - تفتكر انه ممكن يغير حاجه في البلد ؟؟؟

19 - المطرب والمطربه المفضلين ؟؟؟

20 - الاغنية المفضله ؟؟؟

21 - الشيخ المفضل ؟؟؟

22 - قولنا رأيك في المرأة ؟؟؟

23 - ورأيك في الرجل أيضا ؟؟؟

24 - برفانك المفضل ولا ملكش واحد معين ؟؟؟

25 - في الاخر قول كلمة لأعضاء المنتدي ؟؟؟

أنا شايفه ان اسئلتي كتيره بس خفيفه جدا
ودي عادتــــــي ولا ايه ؟؟؟

علي فكره الظاهر ان احمد بيعزك اوي جايبلك حتة كرسي تحفه !!!!!!!!

لو جاوبت قبل اما اخرج من علي المنتدي هسأل تااااااااني

ولا يهمك يا عم اسأل انا لو مكانش فيه مانع يعني :

اكيد طبعا مفيش مانع

بما انك انت و احمد وهادي أصحاب فأكيد السن واحد والبلد واحه وانت قولت اسمك قبل كده شريف كامل
فما علينا من البطاقة الشخصية
أووووووووووك ؟؟؟

مفيش مشاكل ولو عايزين بطاقة شخصية عائلية تموينية كله موجود

ما هي امنيتك ؟؟؟

انا امنيتي راحت تجيب سجاير هههههههه بس مجتش تاني

مجموعك في 2 ثانوي ؟؟؟

انا عادي جدا من نحية المجموع لاني راضي بيه والحمد لله وده نصيبي
انا جبت 179 يعني 87.3% والحمد لله

ترتيبك بين أخواتك ؟؟؟

انا تاني اخواتي من خمسة

- ايه رأيك في : -

أحمد :- كويس جدا واحلي حاجة بتعجبني فيه
انك تحطيه بين اي اتنين هيحكم بينهم بالحق
بتعجبني جدا الحتة دي فيه مع انه يمكن هو نفسه ميعرفش الميزة دي

هادي :- شخصية لطيفة ولذيذة جدا بس عايزة واحد مفرفش كده علي طول
وهو مرح وبيحب الهزار بس احيانا بيزودها

أحمد عرامي :- احمد كويس بس عايز اقول له
خد بالك من كلام الناس

عبد الرحمن :- شخصية محترمة

vvvvvv39 :- الله يكون في عونه من اللي هو فيه

mony :- كفاية انها من السويس فاكيد مفيش كلام بعد كده

الاميرة :- انت لسه قايلاها طيبة بس معرفش ازاي ههههه

أكتر يوم بتحبه في الأسبوع ؟؟؟

السبت / الاحد / الاتنين / الثلاثاء / الاربعاء / الخميس / الجمعة
كلها ايام يوم ليك ويوم عليك عادي

أكتر يوم بتحبه في السنة ؟؟؟

انا مش لاقي اجابة

اللون المفضل ؟؟؟

الاحمر والاسود والابيض
وحدش يقول ده علم مصر ههههه

ايه رأيك في الحب ؟؟؟

لو تقصدي الحب اللي هو الحب يعني انا لسه مجربتوش
لان انا مش عايز اجربه دلوقتي

هل تعترف بالصداقة بين البنت والولد ؟؟؟

اه في عادي بس تكون صداقة عادية

اتظلميت قبل كده ؟؟؟ امتي ؟؟؟ ومن مين ؟؟؟

اه المرة اللي انا حاسس ان انا اتظلمت فيها فعلا
كانت تلبيسة بنت لذين يلا بقي كان موقف وعدي
كنت في 3 ابتدائي وعمري ما هنساه
التلبيسة كانت من واحد صاحبي ولحد النهاردة صاحبي

قدوتــــــــــك ؟؟؟

انا جمعت تلات اشخاص وعملت منهم شخص واحد اعتبره قدوتي
بابا / خالو / ابن خالتي

أكتر اسم بنت واسم ولد بتحبه ؟؟؟

بنت ممكن مني
ولد ممكن يكون وائل
بس انا علي فكرة مبحبش اسم معين بس اللي جه في بالي

الاكلة المفضله ؟؟؟

اكلة كدة اسمها ( حريرة ) مرفش حد يعرفها ولا لا

حاجه من غيرها متقدرش تعيش ؟؟؟

الناس اللي بيحبوني

عاده تفعلها تتمني تركها ؟؟؟

انا الحمد لله الفترة اللي فاتت دي كانت اهم فترة في حياتي
وكانت فترة كئابة وحزن وحاجة ما يعلم بيها الا ربنا لدرجة اني
اعتبرت نفسي اتولدت من جديد او كبرت فعلا
وحاولت اني اغير من نفسي وغيرت فعلا والحمد لله واتغيرت تماما
واي حاجة مكنتش عجباني انا في نفسي غيرتها
مع ان التغيير ده مش هيعجب ناس كتيرة

عاده لا تفعلها وتتمني المحافظه عليها ؟؟؟

هي ان انا نفسي احافظ علي الصلاة في المسجد

بتحب حسني مبـــــــارك ؟؟؟

والله ما اعرف بس انا من رايي مش هو اللي خاربها
لان مش هو اللي هيصلح كل حاجة
ومحدش عارف حاجة
بس هو برضه رئيسنا والمفروض نحبه

تفتكر انه ممكن يغير حاجه في البلد ؟؟؟

ممكن بس مش كتير يعني ممكن بنسبة 20% انا معرفش

- المطرب والمطربه المفضلين ؟؟؟

محمد فؤاد واصالة

الاغنية المفضله ؟؟؟

حبيبي يا والحب الحقيقي وطمني كلهم لمحمد فؤاد

الشيخ المفضل ؟؟؟

خالد الجندي وعمرو خالد ووجدي غنيم ومحمد حسان ومحمد حسين يعقوب واي شيخ استريحله لله في لله

قولنا رأيك في المرأة ؟؟؟

هي الايد اللي بتتمدلك في الدنيا
سواء كانت ام اخت حبيبة صديقة

ورأيك في الرجل أيضا ؟؟؟

الراجل باخلاقه وشخصيته وشهامته
بس تقريبا قلوا اوي اليومين دول

برفانك المفضل ولا ملكش واحد معين ؟؟؟

انا نادر لما بشتري برفانات لان معظم برفاناتي هدايا

في الاخر قول كلمة لأعضاء المنتدي ؟؟؟

لا اله الا الله

محمد رسول الله

أنا شايفه ان اسئلتي كتيره بس خفيفه جدا
ودي عادتــــــي ولا ايه ؟؟؟

كل اللي يجي منك حلو

علي فكره الظاهر ان احمد بيعزك اوي جايبلك حتة كرسي تحفه !!!!!!!!

انا هحط كرسي غير ده وعافية هههه

لو جاوبت قبل اما اخرج من علي المنتدي هسأل تااااااااني

يا رب الحقك

انا عايز الكرسي الاحمر ده
*
*
*
ومتستغلهوش عليا
انت عارفني بقي
*
*
*

theproff53 على كرسى الاعتراف ادخل اسال براحتك 21941_108451169168124_100000097231210_228318_8071109_n

انا بزودها ياااااااض

ولا انت اللى مش بتستحمل

طيب هنروح

بعيد ليه

انت مش بتقعد جنبى ف الفزياء

مش هاقعدك معايا تانى

مش علشان رايك فيا

لا علشان لسه مقتنع ان حسنى مبارك ممكن يصلح البلد

هههههههههههه

انت اتجنيت ياااااض

بعد ربع قرن من الفسااااد والظلم

تقولى ان هو مش سبب الحاجات دى

طيب مين؟؟؟؟

الحكومه؟؟؟؟

طيب ما فيه 100 حكومه جات وراحت والنظام هو هو

بس عايز الصراحه العيب فينا احنا

اللى خلينا اشكال زى دى تتحكم ف عقولنا

ومحدش يجيب سيره الموضوع ده تانى

علشان بتعصب منه بسرررررررررررررررعه

ههههههههههه

بس ياض انت ده انت لسة الاستاذ ايمن محذرك النهاردة

اتحرق انت وايمن بجااااااااااز

هههههههههههههههههههههههههه

بس ايمن حذرنى من ايه النهارده ؟؟؟؟؟؟

ياااااااااااااااالهوى ياجدعان متخرجوش برا الموضوع عدى يوم اهو وشريف متسالش غير مره واحده

بص بقى ياعم شريف اخبط الشويه دول

1 - اكتر دلع بتحبه انا عارفه بس عاوزين نعرف الاعضاء بس

2 - ايه اكتر حاجه عجباك فى المنتدى؟

3 - حاجه عاوز تغيرها فى المنتدى او حاجه مش عاجباك فيه ( سيتم تغيرها فورا ) ؟

4 - انت عصبى؟؟؟

5 - اكتر حاجه بتحبها؟؟

6 - بتشرب بيريل ؟؟؟ هههههههههههه

7 - اصحابك المفضلين ؟؟؟؟

ومش لازم تقول انا وهادى وكده لانى انا عارفهم كلهم بس برضو ميمنعش انت جاوب وتوكل على الله

8 - هل انت متقوقع على نفسك؟؟؟ لو عرفت اجابة السؤال ده هديلك عشره جنيه

بس ياريس اسئله خفيفه كده ومن صنعى والله الا السؤال الاول منقول بس يلا عاوزين نعرف فى اقرب وقت الاجابات

طب اعمل اية ياشريف قولى ؟

ايه يا جماعة انتوا ما اتسحرتوش كويس ولا ايه
انا اللي هسأل كده ع طول
الواد كده هيكرهني

بس يلا
علي فكره قبل اما أبدأ بالاسئلة التانيه يا شريف الاجابات مش عاجباني
علي بركة الله :

الأسئلة :-

1 - موقف محرج ؟؟؟

2 - شخص لا ترفض له أي طلب ؟؟؟

3 - أوصف لنا حياتك باختصار ؟؟؟

4 - حكمتك ؟؟؟

5 - من هو توأم روحك ؟؟؟

6 - اعتذار تريد ان تقدمه لمن ؟؟؟

7 - ما أول شئ تفعله لنفسك اذا ربحت المليون ؟؟؟

8 - القسم المفضل لديك في المنتدي ؟؟؟

9 - العضو الذي تفضل قراءة مواضيعه ؟؟؟

10 - معاك 3 رصاصات توجههم لمين ؟؟؟

11 - معاك 3 وردات تهديها لمين ؟؟؟

12 - حلم حلمته واتمنيت انه يتحــقق

نكمل بعد الفطاااااار بقه عشان تكون فايق لنا

MiDo

بص بقى ياعم شريف اخبط الشويه دول
هات كل اللي عندك

1 - اكتر دلع بتحبه انا عارفه بس عاوزين نعرف الاعضاء بس
دلع من انهي نوع وضح السؤال اكتر

2 - ايه اكتر حاجه عجباك فى المنتدى؟
الناس اللي فيه

3 - حاجه عاوز تغيرها فى المنتدى او حاجه مش عاجباك فيه ( سيتم تغيرها فورا ) ؟
مممم المدير ههههههههه

4 - انت عصبى؟؟؟
تقريبا كنت

5 - اكتر حاجه بتحبها؟؟
الحاجات الغامضة

6 - بتشرب بيريل ؟؟؟ هههههههههههه
اه وهيلز بيرغ كمان

7 - اصحابك المفضلين ؟؟؟؟
حاليا انا تنازلت عن فكرة ان نفسي تكون لغيري ..مش لازم المهم
محمد ابراهيم
محسن / ابراهيم / احمد مجدي / طارق / محمود عصام
وناس كتير جدا بس انا اكيد ناسي كتير
والسؤال ده احتمال يوديني في داهية

ومش لازم تقول انا وهادى وكده لانى انا عارفهم كلهم بس برضو ميمنعش انت جاوب وتوكل على الله
انتوا حاجة تانية خالص انتوا من الناس الغاليين

8 - هل انت متقوقع على نفسك؟؟؟ لو عرفت اجابة السؤال ده هديلك عشره جنيه
انا مش متقوقع علي نفسي بس الغريب هو اللي بيشوفني كده
هاخد العشرة جنيه ولا لا؟؟ ههه

بس ياريس اسئله خفيفه كده ومن صنعى والله الا السؤال الاول منقول بس يلا عاوزين نعرف فى اقرب وقت الاجابات
جبت اخرك ولا ايه

احمد عرامي

طب اعمل اية ياشريف قولى ؟

اعمل جمعية ههههه

ماشى ياعم هعملها وهقبطها اول الشهر كمان بس ياريت تفتح ايميلك وترد

الاميرة

بس يلا
علي فكره قبل اما أبدأ بالاسئلة التانيه يا شريف الاجابات مش عاجباني
مش عاجباك ولا عايزة تستفسري اكتر؟؟

علي بركة الله :
يا رب استره

الأسئلة :-

1 - موقف محرج ؟؟؟
هو في كتير بس بفتكر ثواني ...
هو عامة ان يكون حد متعشم في جامد واخزله

2 - شخص لا ترفض له أي طلب ؟؟؟
.. بابا وخالو باستثناء ماما طبعا

3 - أوصف لنا حياتك باختصار ؟؟؟
كانت حياة عادية فيها الحلو والمر
وجه يوم غيرها لحزن وكئابة ويوم تاني وراه لحد ما الزمن غيرني
تماما
والحمد لله انا راضي بكل اللي كاتبهولي ربنا

4 - حكمتك ؟؟؟
Do not cry over spilled milk

5 - من هو توأم روحك ؟؟؟
محمد ابراهيم

6 - اعتذار تريد ان تقدمه لمن ؟؟؟
لنفسي

7 - ما أول شئ تفعله لنفسك اذا ربحت المليون ؟؟؟
....
هشتري راحة بالي

8 - القسم المفضل لديك في المنتدي ؟؟؟
خمسة فرفشة

9 - العضو الذي تفضل قراءة مواضيعه ؟؟؟
والله كلكم مواضيعكم ملهاش حل
..
بس لو قلنا اللي بتعجبني مواضيعه جدا
هو هادي

10 - معاك 3 رصاصات توجههم لمين ؟؟؟
...
في الهوا

11 - معاك 3 وردات تهديها لمين ؟؟؟
لماما واختي واشيل التالتة لصاحب النصيب
بس كده هتقعد يجي 3او 4 سنين ههه

12 - حلم حلمته واتمنيت انه يتحــقق
بلاش اجاوب علي السؤال ده

نكمل بعد الفطاااااار بقه عشان تكون فايق لنا

امال لما تكون فايقة هتعمل فينا ايه
احم احم

ماشى ياعم شريف

مع ان علفكره اجاباتك مش حلوه ومش عجبانى بس يلا

انا هسالك سؤال واحد بس لازم تجاوب عليه ادام الناس دى كلها

ايه اسم صاحبنا اللى سجل هنا بالاسم اياه؟؟؟؟؟

والله يبنى ماهزعل ولا هكلمه حتى بس حب فضول

اهلا شريف نورت الكرسى بما انى اخترتك فلازم اسالك ودى شوية اسئلة خفيفة

. اذا اردت ان تبكي الان , فعلى من تبكي؟

من ستختار ليمسح دموعك ؟

لو خيروك بين حبيبك وبين اعز صديق فمن تختار ؟

.ماهو تقييمك لهذا المنتدى بصراحه ؟

.من يسكن قلبك؟

.هل تعتقد ان حظك سيئ؟

.هل هزمك حزنك في يوما من الايام؟

.((مستحيل انساك)) لمن تقولها ؟

.(( اللي راح راح وماتفيد كلمة ياريت ))
إذا أردت ان توجه هذه العباره لنفسك, فماذا تقصد بها ؟

.(( انت كل شيء بحياتي )) لمن تقولها ؟

متى اخر مره بكيت؟

اي الدول تتمنى ان تزورها ؟

.هل تؤيد الزواج العاطفي ام الزواج التقليدي ؟ ولماذا ؟

.ايهما اهم شهادتك الجامعيه أم الزواج ممن تحب ؟

.عاده تفعلها دائما تتمنى ان تتركها ؟

انت تعرف السويس ؟

كم مرة حبيت فى حياتك

جاوب يابروف واخلص علشان مدتك قربت تخلص كده

اهلا شريف نورت الكرسى بما انى اخترتك فلازم اسالك ودى شوية اسئلة خفيفة
ولا يهمك براحتك

. اذا اردت ان تبكي الان , فعلى من تبكي؟
علي الدنيا

من ستختار ليمسح دموعك ؟
نفسي

لو خيروك بين حبيبك وبين اعز صديق فمن تختار ؟
في داهية هما الاتنين ههههههه

.ماهو تقييمك لهذا المنتدى بصراحه ؟
90%
زي الفل

.من يسكن قلبك؟
لا احد

.هل تعتقد ان حظك سيئ؟
لا معتقدش
والحظ حظ يعني مرة حلو ومرة وحش

.هل هزمك حزنك في يوما من الايام؟
اه

.((مستحيل انساك)) لمن تقولها ؟
...
مش عارف
بس ممكن لحد انا ممكن اخسره

.(( اللي راح راح وماتفيد كلمة ياريت ))
إذا أردت ان توجه هذه العباره لنفسك, فماذا تقصد بها ؟
السنة اللي فاتت

.(( انت كل شيء بحياتي )) لمن تقولها ؟
ماما

متى اخر مره بكيت؟
ياااه من زمان جدا
بس البكاء بيريح كتيــــــــــــــــر جدا
كان نفسي استريح بس معرفتش

اي الدول تتمنى ان تزورها ؟
لو عربية دبي
ولو اجنبية يبقي انجلترا

.هل تؤيد الزواج العاطفي ام الزواج التقليدي ؟ ولماذا ؟
غالبا العاطفي لان ممكن تكون مشاكله اقل

.ايهما اهم شهادتك الجامعيه أم الزواج ممن تحب ؟
سؤال صعب ...
الشهادة

.عاده تفعلها دائما تتمنى ان تتركها ؟
لا الحمد لله مش لاقي

انت تعرف السويس ؟
انا اعرف ناس من السويس واعرف انها بلد جميلة جدا

pop2030

كم مرة حبيت في حياتك؟

لو تقصد حب لواحدة مفيش والله

بالنسبة لسؤالك يا احمد

ج/ جاوب بنفسك

ايه يا عم هادي انت ملكش نفس تسال ولا ايه

مين اللى كان مسجل بالاسم اياه ؟؟؟؟؟

سلمتلى على خالك؟؟؟؟؟؟؟

» ابو صلاح على كرسى الاعتراف ادخل اساله براحتك
» مونى على كرسى الاعتراف ادخل اسالها براحتك
» M!DO ( المدير ) على كرسى الاعتراف ادخل اسالنى واعصرنى براحتك
» احمد عرامى على كرسى الاعتراف ادخل اساله واعصره براحتك..............
» د\ هند على كرسى الاعتراف ادخل اسالها برااااااااحتك