ازاي احبك وانتي مش حباني

ازاى احبك يابلد وانتى مش حبانى رائعة أحمد فؤاد نجم الجديدة

ازاى احبك يابلد وانتى مش حبانى
إزاي أعيش وأموت وأندفن في أرض رفضاني

بنام وأحلم ببكرة الأقي بكرة زود أحزاني
أه يا بلد لو بإيدي كنت أهدك وابنيكى من تانى

بيقولك تعديل دستوري إحنا عايزين تعديل إنساني
كل إنجازات البلد أنفاق وكباري
بلد بتموت وشعب فى حالة سكوت وكانها لعبة اتارى
من كتر الظلم والضلمة بقول ياريت ايام الملك والانجليز ترجع تانى

أه يا بلد مليت بحبك الدفاتر مع العلم أنك قتلاني

مين اللي قال أن عبارة السلام غرقت
ومين اللي قال أن ممدوح إسماعيل قاتل وجاني
اللي غرقت مصر واللي غرق ما بيطلعش حى تانى
هو يطلع من صالة كبار الزوار وأنا اتحبس في سجن المطار واتعرض علي البحث الجنائي

انا اللي من صغري أخترتك سكتي أتريها سكة أحزاني
أنا اللي من صغري أخترتك كلمتي ألاقيكي مقيداني
أه يا بلد نفسي قبل ما أموت الاقي زمانك وزمانى
إتغربت أكتر من سبع سنين ورجعت لاقيت الغربة هنا شكل تانى
;
بلد بتعاني بكل المعاني بكياني وانا أملى أحس بكيانى
عشرين سنة مخلص محبوس بين جدران دكاني
نفسي أعيش من غير ما أنافق السلطان والسلطاني
نفسي أعيش من غ ير ما أنافق ولا حتي أبويا اللي رباني

بكرة نتحاسبو علي السكوت وعلي العيشة العميانى
إبني مكملش سنتين نايم جنب مني بيشد في شعري ويحط صبعه في وداني
ويضربني بالقلم ولسان حاله بيقول ليه يابا خلفت تاني
وأنا في سري بأقول ياريتك يا أحمد يابني ياباني إبن ياباني
مع إن وجودك في الدنيا عمل فيا وخلاني
أحب البلد أكتر وأهد جدران دكاني
شيخ الأزهر بيقول المعارضة حرام
وانا نفسى أعرف آية الحلال فى بلد الميت مليون حرامى

قلبت عليا المواجع يا وديع

ماشى ياسومه

والنبي بلاش سيرة وديع
انا مبقلبش علي ميلودي مخصوص عشان خاطره

بس هو الواضح ان شباب 3 ثانوي جواهم حزن لا يوصف
ايه يا جماعه فين الفرفشه
هو الثانوي بيعمل كده ولا ايه انا كان ليا اختين في ثانوي ما شفتش حاجات من دي خالص
العيب في اخواتي بقه ولا ايه ؟؟؟؟

ع العموم هو من ناحية حلاوة الموضوع فهو حلو بس عايزين حلو بفرفشه
زي ما قلت قبل كده انا بدخل هنا عشان اتفك

اوووووووووووك ؟؟؟

شكرررررررررررا

اووووووووووووووووووك

هارش

» ازاي تعرف انك في 2009
» واح\ سال مصري عاوز تموت ازاي؟؟؟؟
» تعالوا شوفوا قنوات التليفزيون وهي دخله في بعضها هتكون ازاي ؟؟؟؟؟؟
» حصريا كليب وائل جسار مليون احبك ديفيدى كواليتى