الاعجاب دا فكرة
ناس كتيرة اوي اوي اوي فاهمينها غلط و خالطين بينها و بين الحب
و هو في فرق كبير جدا بينهم
الاعجاب دا بيتولد بين اي ولد و بنت لسه بيعرفو بعض و الدليل علي كدا انهم اساسا بيكلمو بعض
الولد ( عجبته ) البنت و اتعرف عليها
و البنت (عجبها ) الولد و وافقت انها تتكلم معاه
دا معناه ان اول خطوة بيبقا الاعجاب و بعد كدا بيتفرع الموضوع لطريقين ملهومش تالت
و اللي يحدد اي طريق منهم الظروف المحيطة بكل منهم
و الطريق الاول ان الاعجاب يتطور و يبقا حب و ساعتها حتكون كل الظروف معاهم
شعورهم من نحية بعض متبادل
كل واحد مفيش في قلبه حد تاني
تفكيرهم قريب من بعض
شايفين انهم حيريحوا بعض
حيكونوا مبسوطين مع بعض
الشعور دا لو فضل مستمر كتير يبقا الاعجاب اتحول لحب علي طول
و الطريق التاني هو الصحوبية الجامدة او الاخوية بينهم
و انا بتكلم علي الاتنين اللي معجبين ببعض بس في ظروف منعتهم
فا حيبقو اخوات
زي ان حد منهم مرتبط او الاتنين
السن مش مناسب
التفكير مش راكب
مش مرتاحين لبعض في الحب و الشخصيات مش متوافقة
كل دا يمنع انهم يحولو الاعجاب لحب
و ساعتها بتبقا بينهم علاقة اجمد و بتبقا مدة اطول و هي علاقة الاخوات
بس اللي بييجي بقا اول ما يتعرف علي بنت
و ييجي بعديها بيومين يقولها انا بحبك و مش قادر اعيش من غيرك و الكلام دا
دا يبقا بيضحك عليها او علي نفسه لأنو لسه موصلش للمرحلة اللي يحدد فيها اللي جواه دا فعلا حب ولا مجرد اعجاب لسه و حينتهي مع الوقت
و اعتبر ان الاعجاب دا حب و بنى علي اساس كدا كلامه و دا غلط جدييييييي
بس المفروض يستنا مدة معينة يتأكد من خلالها ان اللي جواه دا حيستمر
يفكر بعقله ان الانسانة دي حتنفع ولا لا
بتشاركه نفس الاعجاب اللي عنده
كل الظروف متاحة يبقا مش فاضله غير انو احساسه من نحيتها يبقا بجد
و الايام هي اللي بتبين كدا و ساعتها يبقا عندو الرخصة انو يحول الاعجاب دا لحب و يفاتحها بالموضوع
و اي بنت حتقدر شعوره و انتظاره دا عشانها و انا متأكد من كدا
و الكلام مش علي الولد بس هو علي البنت كمان
دي نظرتي من نحية الاعجاب
By/ tHe PrOff